பல்டி சம்பந்தரும்... மல்டி கருணாநிதியும்...

பல்டி சம்பந்தரும்... மல்டி கருணாநிதியும்...

-------------------------------------------------------------------------------------
நான் அரசியல் சம்பந்தமாக எழுத விரும்பவில்லை... காரணம் எனக்கு பெருசா ஒன்றும் தெரியாது...
ஆனால், 6 வது அறிவு இருக்கிற மனுசன் என்கிறவகையில்... சில அரசியல் கருத்துக்கள் எரிச்சலை ஏற்படுத்துகின்றது.
அதனால்... இப்பதிவை எழுதுகிறேன். தவறுகள் நிச்சையமிருக்கும் என்பது தெரியும்... ஆனாலும்... ஏமாத்தப்பட்டுக்கொண்டிருக்கும் / ஏமாந்து கொண்டிருக்கும் ஒரு தமிழன் என்கிறவகையில் இதை எழுதிகிறேன்...
-------------------------------------------------------------------------------------

பல்டி சம்பந்தர்....

சமீபத்தில் ஒரு நியூஸ் பார்க்க கிடைத்தது. அதில் தமிழ் தேசிய கூட்டமைப்பின் தலைவர் இரா.சம்பந்தர் முஸ்லீம் காங்கிரசுடன் இணைந்து பொது தேர்தலில் போட்டியிடப்போவதாக அறிவித்திருந்தார். அப்போது செய்தியாலர் ஒருவர்       " நீங்கள் இதனால், சிங்கள மக்களுக்கு சொல்லவருவது என்ன? " என கேட்டபோது....

நாம் எப்போதுமே தனி நாடு கேட்டதில்லை, சிங்கள மக்களுடன் இணைந்து வாழவே விரும்புகிறோம். தமிழ், முஸ்லீம், சிங்கள சமூகங்கள் இந்நாட்டில் வேறுபட்டு வாழக்கூடாது. பெரும் பான்மை சிங்கள மக்களுக்கு இருக்கும் உரிமைகள் தமிழ்பேசும் மக்களுக்கும் கிடைக்க வேண்டும். இதை தான் நாம் 60,70 ம் ஆண்டுகளிலும் நாம் கூறியிருந்தோம்.
அதையும் மீறி யாராவது நாட்டை பிரிக்க வேண்டும் எனும் கோரிக்கையுடன் தமிழ் பேசும் மக்களிடம் வந்தால்... அவர்களை தமிழ் மக்கள் முற்றாக நிராகரிக்க வேண்டும். தமிழ் பேசும் மக்கள் சம உரிமையுடன் தலை நிமிர்ந்து வாழ வேண்டும். அதை தான் தமிழ் மக்களும் எதிர்பார்க்கின்றனர்.

இப்படி செய்தால் இன்னும் 10 வருசத்துல நாட்டை மாற்றியமைச்சுடுவாராம்.
(சம உரிமை பற்றி கதைத்தது ஓகே)

இவரு தான் கொஞ்சகாலம் முன்னாடி கடைசி தமிழன் இருக்கும் வரைக்கும் போராடுவோம்... புலிகள் தான் எங்களது ஏக பிரதினிதிகள்... என்றெல்லாம் சொன்னார்.

புலிகளின் இலக்கு என்ன வென்று தெரியாமலா... இவ்வசனங்களை சொல்லியிருப்பார். இல்லாட்டி அவர்களின் இலக்கை அறியாமலா அவர்களுடன் இருந்திருப்பார்.

இந்த லச்சன‌த்துல... தமிழருக்கு முன்னுக்கு போய் நின்று கொண்டு...
நிக்குறவங்களுக்கு வெறி ஏத்துற மாதிரி பேசுவாங்க. ( பன்மை த.தே.கூ இல் சிலர் இப்படி தான்.)
இவங்க தான் வன்னில சனம் செத்து கொண்டிருக்க இந்தியால போய் றெஸ்ட் எடுத்தாங்க. ( கேட்டா அரசியல் பயணமாமாம்)

இந்த ஜனாதி பதி தேர்தலுல புத்திசாலித்தனமா ஒரு தமிழனையோ முஸ்லீமையோ பொது வேட்பாலரா நிறுத்தி சிறு பாண்மையின் ஒற்றுமையை காட்டி இருக்கலாமே... (யாரோ ஒரு முஸ்லிம் வேட்பாலர் இதை ஏற்கனவே கேட்டார்... தான் இல்லாட்டி கூட பறவாயில்ல என்று. கனக்கே எடுக்கல...)

இப்ப திடீரெண்டு ஆளுங்கட்சிக்கு தாம் எதிர் கட்சி இல்லை என்கிறத காட்டதான் இந்த பல்டியோ தெரியல... ( ஜக்கி படத்துல அடிக்குறதெல்லாம்; இதுக்கு முன்னாடி ஜிஜீபி...)
தமிழ் முஸ்லீம் மக்களை ஒன்றாக கதைக்க விட்டாலே எல்லாம் சரியாக வாய்ப்பிருக்கு...
இவருக்கு தன்ட கட்சிக்குள்ள இருக்குற பிணக்கையே தீர்க்க முடியல அதுக்குள்ள... இரண்டு சமூகத்தை ஒன்றினைக்க போறாராமாம்.  சும்மா அரசியல்ல இருக்கோம் என்றுறதுக்காக என்னவும் பேசுவாங்கலாமாம்.
நாங்க ஆமா போடனுமாம்.

இப்பவாவது சேந்து போட்டியிடுறாங்களே.... அது சந்தோஷம். அதுக்காண்டி... இப்படி பல்டி அடிக்குறது சரியில்ல....


மல்டி கருணாநிதி...

செங்கல் பட்டு சிறைல இவரு சொன்ன வாக்குறுதிய நிறை வேற்ற சொல்லி கேட்டதுக்காக...  தானே பொலிஸை செட் பண்ணி அப்பாவி அகதிகளை அடிப்பாராமாம். பிறகு இவருக்கு பெயர் தமிழரின் தலைவனாமாம். இதெல்லாம் ஒருபிழைப்பா...?

அத விடுங்க அவரப்பற்றி சொல்ல வார்த்தையில்ல...
அவரு ஒவ்வொருவருக்கும் ஒவ்வொரு முகம் காட்டுவாரு... மல்டி...பவர்...

போய் அடிச்சாங்களே பொலிஸ்... அவங்களுக்கு ஒரு மனித தன்மை இல்லையா?
சரி...
அடிச்சாங்க அதவிடுங்க... ஏன் "அனாதை பசங்க... அகதிங்க...உங்களுக்கு உரிமை வேணுமாடா..... "போன்ற கீழ்த்தரமான சொற்களை பிரஜோகிக்க வேண்டும். இதுக்கு நாங்க எங்கட நாட்டுலையே அடிவாங்கி சாகலாமே...

இலங்கை தமிழனை வச்சு... இந்திய தமிழனை ஏமாத்துறாங்க...

இத நான் இங்க எழுதுறதால ஒன்றும் நடக்க போறதில்ல என்று எனக்கு தெரியும். ஆனா மனதுல வச்சு புழுங்குறதுக்கு இது மேல்.
-------------------------------------------------------------------------------------